Video
Read full review
2023-07-22
207 views
有日同朋友傾起想食雞煲，身為大埔人的佢就推介左依間在大埔廣為人知的雞煲店比我。今日就去左試試。店舖的位置都幾易搵，而且附近有好多錶位可以泊車，所以都幾方便。入面的裝修都幾有特色，好有舊時的香港感覺內有不少霓虹燈、招牌，恍似置身於80年代的香港一樣。如果入到去咩都想食，不妨參考下八妹雞煲的十大必食牌。我地叫左個秘製八妹雞煲（半隻雞）order 小辣，一送上枱姐姐會幫我地炒兩炒，炒下d配菜，一炒就香氣撲鼻，即刻好肚餓好想食🤤八妹的雞煲果然不錯，雞肉嫩滑可口，而且d雞好入味，食完一舊再想食另一舊。加上本人好鍾意食配菜，芫茜、紫洋蔥、芹菜炒一炒完全索晒雞煲汁的味道，又辣又甜、好惹味。喺Menu度見到竹蔗茅根即刻要嗌返一酌黎飲，即刻覺得打邊爐冇咁熱氣。A級安格斯肥牛（小），好有牛味，燙幾十秒就可以食，好鮮。同埋叫左2人必點的什餃（雲吞/韭菜餃/魚皮餃）打邊爐都不可缺少，雲吞和韭菜餃都係人手包，餡料好足，咬落去多好汁，雲吞勁多蝦😬。另外亦叫咗油麥菜，菜的份量很多，新鮮。上菜上得好快。職員亦都有過嚟介紹話出面有小食和醬油。小食係脆脆雪糕筒、麻辣花生，用嚟送酒飲好夾，而且是任添。見到枱枱都有叫即炸響鈴
有日同朋友傾起想食雞煲，身為大埔人的佢就推介左依間在大埔廣為人知的雞煲店比我。今日就去左試試。
店舖的位置都幾易搵，而且附近有好多錶位可以泊車，所以都幾方便。
入面的裝修都幾有特色，好有舊時的香港感覺內有不少霓虹燈、招牌，恍似置身於80年代的香港一樣。
如果入到去咩都想食，不妨參考下八妹雞煲的十大必食牌。
我地叫左個秘製八妹雞煲（半隻雞）order 小辣，一送上枱姐姐會幫我地炒兩炒，炒下d配菜，一炒就香氣撲鼻，即刻好肚餓好想食🤤八妹的雞煲果然不錯，雞肉嫩滑可口，而且d雞好入味，食完一舊再想食另一舊。
加上本人好鍾意食配菜，芫茜、紫洋蔥、芹菜炒一炒完全索晒雞煲汁的味道，又辣又甜、好惹味。
喺Menu度見到竹蔗茅根即刻要嗌返一酌黎飲，即刻覺得打邊爐冇咁熱氣。
A級安格斯肥牛（小），好有牛味，燙幾十秒就可以食，好鮮。同埋叫左2人必點的什餃（雲吞/韭菜餃/魚皮餃）打邊爐都不可缺少，雲吞和韭菜餃都係人手包，餡料好足，咬落去多好汁，雲吞勁多蝦😬。
另外亦叫咗油麥菜，菜的份量很多，新鮮。
上菜上得好快。職員亦都有過嚟介紹話出面有小食和醬油。小食係脆脆雪糕筒、麻辣花生，用嚟送酒飲好夾，而且是任添。
見到枱枱都有叫即炸響鈴，最後我哋都加咗單，叫多個炸響鈴試一試。即炸響鈴熱辣辣上枱仲好熱，好大舊🤩浸落湯索晒湯的精華，好正🤤
我哋係平日夜晚去，我哋6:30去都未算好多人，越夜越多人一大班人去食，我哋臨走的時候都差唔多滿座，果然喺大埔好出名的雞煲店。
Post
