Video
Telephone
26670699
Introduction
A chicken Clay Pot restaurant provides handmade fried stuffed bean curd paste.
continue reading
Opening Hours
Today
16:00 - 02:00
Mon - Sun
16:00 - 02:00
Public Holiday
16:00 - 02:00
Public Holiday Eve
16:00 - 02:00
Above information is for reference only. Please check details with the restaurant.
About Reward Scheme
戴黑框眼鏡嘅女收銀！住大埔幾年間唔中都去食！每次埋單都係度玩野，明明張單$400比一張$500蚊埋單，係都要找散銀搏食客比貼士有次比埋散紙佢找錢，佢扮唔記得找錢咁都可以係度做咁耐嘅係咪皇親國戚呀係我以後唔幫襯呀明明雞煲好食都唔想幫襯玩自己喇！八妹比以前少人架啦，仲係度玩野，摺埋就唔洗玩喇！一個人搞砸成間舖，管理層檢討下啦唔該！我一定唔係第一個係間舖大聲搞大件事啦！正一一粒老鼠屎攪和成煲粥就係呢d！
continue reading
今次四人行，我哋去咗食大埔嘅雞煲，因為有人唔食得辣嘅關係，我哋只係嗌咗最少嘅BB辣，因為雞煲冇辣總係覺得唔完美😂結果冇令我哋失望，有少少辣味嘅雞煲非常惹味。雞的份量四個人一隻剛剛好，之後仲轉打邊爐，非常推介手切牛肉，新鮮嫩滑入口非常有牛味
continue reading
諗住好耐無食過雞煲上網睇下邊間好食，open rice 推薦八妹雞煲講到味道點樣點樣好食。但係食完覺得味道一般，雞無煎過唔入味（本身size又係好細隻，唔知隻雞仔有冇斤半）。雞煲一隻正常價288蚊，之後諗住嗌杯野飲點知一睇凍檸茶40蚊（只係平時茶記size)，蝦滑細細份98蚊，小食皮蛋45蚊隻，仲有醬料收24蚊位，得豉油，蔥，炸蒜同蒜蓉無其他。埋單仲有加一服務（我諗個服務就係拎個雞煲出嚟）係大埔區收呢個價錢仲貴過我係中環食，此店仲只收現金，不收其他支付方式，如果想嗌多啲野食都要㩒定多啲現金去上貢先得。我諗可能仲有人會支持，不過我同老婆就應該唔會再去。
continue reading
八妹雞煲主打雞煲，係同區入邊出晒名，今日一試果然名不虛傳😍 餐廳嘅裝修好有gimmick，行香港懷舊風，店內掛咗好多舊式嘅牌匾，色彩好繽紛。座位都好寬敞，空間感十足，啱晒一班朋友嚟打邊爐食雞煲。雞煲我哋嗌咗小辣，食唔到辣嘅朋友建議嗌BB辣，因為雞煲汁愈煲愈入味，辣得嚟又好過癮🤣雞肉好滑，啖啖肉，尤其啲雞皮！食完雞煲再加湯打邊爐，用雞煲本身個汁溝出嚟嘅湯底都係超惹味，配埋新鮮食材簡直冇得頂😍 必點安格斯肥牛！肉質嫩滑彈牙，有口感得來好有牛油香味。蟹籽蝦滑打得又靚又彈牙，而且好鮮味，索咗少少湯更加正！田雞份量好多，啲肉又嫩，好新鮮。薯仔片幾有特色，餐廳炸到金黃色之後再上，零舍爽口，鍾意食腍啲嘅可以淥耐啲再食。仲有竹蔗茅根水好清甜好香蔗味，亦都唔係普通單靠加糖水沖出嚟，真材實料，值得推介👍🏼八妹雞煲📍大埔舊墟直街4-20號美新大廈地下A1號舖
continue reading
天氣有d涼涼地，好想食雞煲同打邊爐，朋友介紹去大埔食八妹雞煲，朋友講到好好食，咁就嚟試吓有幾好食啦🤔🤔🤔🤔入到去，坐既位嚟講都幾舒服，好寬敞。入邊裝修都好有80年代嘅風味。用嚟打卡都幾靚👍🏻☺️我哋兩個人叫咗半隻雞，3碟火鍋材料，同埋一支啤酒🍻半隻秘製八妹雞煲$168我哋叫咗大辣，食得辣嘅我覺得都有少少辣，雞煲汁好濃郁，口感豐富，辣度適中。雞肉鮮嫩多汁，食得岀係新鮮雞來ga，搭配洋蔥和芫荽蔥的組合，味道更加豐富。因為雞煲汁好濃郁，之後我就加少少湯就可以滾埋其他嘢食👍🏻👍🏻👍🏻A級安格斯肥牛（小）$198話就話叫係細份，但係其實一啲都唔細份。安格斯肥牛均勻嘅脂肪分布，肉質嫩滑多汁，仲要掛上濃郁嘅雞煲汁，好食🤤到難以形容西班牙黑毛豚肉片 $70豚肉片切得好薄，豬肉嚟講都容易比較煮得熟，終於煮豬肉唔需要等好耐先有得食。豚肉片唔係好油膩，唔會食到幾啖就好飽咁👍🏻黑豚豬大腸$70我覺得店舖好細心，豬大腸係已經係熟咗，同埋用滷水汁醃過。放落雞煲度煮之後，都吾硬吾靭👍🏻👍🏻👍🏻，另外仲有好濃郁嘅豬腸味，好鍾意❤️
continue reading