滑嘟嘟

Open Now

Now Closed

大埔街市入面有間甜品鋪好出名，好多街坊推廣，主打客家糍粑，即係花生溝芝麻餡嘅糯米糍，去到都係要排隊，買完攞籌，等叫籌先拎得。🍴 客家糍粑(糯米糍 ) 花生溝黑芝麻餡$7/粒 $18/3粒 $35/6粒糯米糍係即叫即包，拎上手仲熱辣辣，個皮超級淋，係好軟帶少少煙韌，個皮真係好好食，微微甜味，一咬開，啲餡多到爆出嚟啊！好香嘅黑芝麻花生味，平時分別食花生同芝麻餡多，估唔到兩種溝埋都好match，花生嘅香加埋黑芝麻嘅濃，係絕配，甜度啱啱好，份量正常size。推薦指數: 7/10建議即買即食係最好食，熱辣辣個皮好淋好好食，拎返屋企夜晚食就放耐咗凍左，就冇咁好食了。