WM Café & Bar (八號花園)

Open Now

Now Closed

今日嚟到大埔一間西餐廳食晚飯，餐廳位置方便，食物價格合理。環境方面，有紅樽作裝飾，特別有格調～龍蝦湯龍蝦湯香氣十足，面頭有忌廉作點綴，飲落口感更順滑濃厚，而且好creamy!蕃茄湯蕃茄湯酸酸地、好開胃，味道香濃。另外，仲配有個黑糖餐包，食落甜甜地，好鬆軟～WM威靈頓牛柳 $188威靈頓牛柳好抵食，$200都唔使！外層酥皮有牛油香，好脆。蘑菇醬較濃味，有啲松露香。牛柳好軟淋，juicy，因為冇焗到全熟，仲帶點紅色。BBQ醬燒豬肋骨配凱撒沙律菜 $128豬肋骨好大份，BBQ醬好香、好惹味！豬肋骨肉質鬆化，有啲位肥肥地，會軟淋啲。凱撒沙律好新鮮，仲有唔少芝士粉。炸墨魚餅4件 $28炸墨魚餅熱辣辣，好香脆。入面嘅墨魚餅彈牙爽口。自家製蛋糕 $16今日提供巴斯克芝士蛋糕。芝士蛋糕好creamy，芝士味濃郁，而且係軟心質地。凍西柚綠茶西柚綠茶大大杯，唔會太甜，西柚味為飲品帶點清新。