Olive Cafe (Closed)

今晚難得忙裡偷閒約左位都係住大埔閨蜜食晚飯，揀咗個好方便就嘅地方-Olive Cafe😊我地為左黑松露個醬叫左個炸著條配巴馬臣芝士配黑松露蛋黃醬，好香濃o既黑松露味，食到停唔到口。主菜叫左今日嘅廚師推薦: 豬肋骨，本身個豬肋骨已經夠嫩夠林，同個BBQ汁好襯，但我反而覺得佢太多汁，咸左少少，"搞 "走d汁，問題不大。另一個主菜係照燒牛眼扒，本來對牛都無咩太大期望，反而有驚喜🎉我叫左7成熟，真係7成，仲有少少紅好juicy ，個扒配有薯條，即刻要多個黑松露蛋黃醬，心諗係要加錢，埋單發現佢free左俾我，好感動呀!!我地叫左紫薯奶昔同宇治綠茶 奶昔，紫薯奶昔好重紫薯味，仲有少少紫薯蓉，唔太甜👍甜品我哋就叫咗apple crumble，表面嘅脆脆加上雲呢拿汁好好味，食到蘋果清甜又唔會太重玉桂味。我地傾左好耐計，都無俾人黑面😳服務態度一流