Video
Read full review
2024-11-13
231 views
今次嚟到大埔一間好有英倫風格嘅西餐廳 - ⭐️ OX Steak Lounge⭐️同屋企人食飯🥂🍽️晚餐有🌟Tasting menu $598 & ✨Set dinner $398 ，我哋兩款menu 都各叫咗一份。前菜方面🥗我哋揀咗 雞肉凱撒沙律 & 煙三文魚沙律配蜜糖芥末醬，份量比一般前菜大份。餐湯方面🍲揀咗牛肝菌野菌忌廉湯，成個湯係直接用牛肝菌野菌打碎加少少cream ，飲落好香牛肝菌味，真材實料，好高質。最特別係配埋自家製牛骨髓牛油包🍞 個牛油🧈釀咗響牛骨髓中間 響鬆軟麵包搽上好香嘅牛骨髓牛油，記住仲要點少少鹽一齊食，我個人覺得真心幾好食。主菜方面🥩Tasting menu我哋揀咗香煎鵝肝配美國封門柳（8oz）, 封門柳肉質鬆軟，唔韌，而且牛肉味極為濃郁，鍾意牛味嘅一定回味無窮，side dish 除咗沙律菜之外，仲有焗牛油香草原粒蒜配埋一齊食，個蒜食落甜甜地，配塊牛肉一齊食，令牛肉香味倍增。另一個menu本身我係叫🐟香煎比目魚配檸檬牛油汁，今日廚師比咗個新煮法我揀，就係「西京燒比目魚」，廚師推介一定要試啦，塊比目魚肉質厚身，口感鬆軟，皮煎咗脆脆哋，份量好滿足。呢度嘅甜品好有驚喜呀！
晚餐有🌟Tasting menu $598 & ✨Set dinner $398 ，我哋兩款menu 都各叫咗一份。
前菜方面🥗我哋揀咗 雞肉凱撒沙律 & 煙三文魚沙律配蜜糖芥末醬，份量比一般前菜大份。
餐湯方面🍲揀咗牛肝菌野菌忌廉湯，成個湯係直接用牛肝菌野菌打碎加少少cream ，飲落好香牛肝菌味，真材實料，好高質。
最特別係配埋自家製牛骨髓牛油包🍞 個牛油🧈釀咗響牛骨髓中間 響鬆軟麵包搽上好香嘅牛骨髓牛油，記住仲要點少少鹽一齊食，我個人覺得真心幾好食。
主菜方面🥩Tasting menu我哋揀咗香煎鵝肝配美國封門柳（8oz）, 封門柳肉質鬆軟，唔韌，而且牛肉味極為濃郁，鍾意牛味嘅一定回味無窮，side dish 除咗沙律菜之外，仲有焗牛油香草原粒蒜配埋一齊食，個蒜食落甜甜地，配塊牛肉一齊食，令牛肉香味倍增。
另一個menu本身我係叫🐟香煎比目魚配檸檬牛油汁，今日廚師比咗個新煮法我揀，就係「西京燒比目魚」，廚師推介一定要試啦，塊比目魚肉質厚身，口感鬆軟，皮煎咗脆脆哋，份量好滿足。
呢度嘅甜品好有驚喜呀！因為餐廳11月份新產品推出咗依排好hit 嘅 黑白大廚 [栗子🌰Tiramisu](加$48)。唔洗飛去韓國🇰🇷食，呢度就食到神還原嘅栗子Tiramisu, 栗子🌰忌廉加栗子粒，仲有穀物碎，餅乾，口味層次豐富，又有麥香，栗子香，忌廉嘅奶香，🍨絕對可以媲美高級酒店的質素。
另一個甜品就揀咗經典嘅🍫比利時🇧🇪朱古力心太軟 配埋士多啤梨🍓果醬 ，比利時朱古力🍫香濃，呢個甜品冇得輸。
飲品🥂我哋就飲咗橙汁同凍檸茶。
Post
