芝加哥串燒 (美豐花園) (Closed)

自從上次同朋友去過大埔食嘢，知道大埔有不少美食未試過，今晚就同老公一齊覓食，發現一間環境昏暗但好有氣氛的Dragon BBQ Bar，看看餐牌唔貴又啱食，於是就入座試吓！香草牛油燒春雞拼薯菜，半隻春雞表面燒到金黃色，皮脆肉嫩，肉汁香溢味美，而且非常入味！即炸薯條香脆可口！芝士煙肉燒蠔，蒜香燒蠔：即叫即開的蠔保證新鮮，蠔肉飽滿脹卜卜，一大片煙肉包住蠔肉，再加上芝士燒到香噴噴，蠔肉鮮甜，配煙肉芝士非常惹味！另外一款蠔加左蒜燒，味道鮮中帶蒜香。令人回味不已！金銀蒜燒扇貝：扇貝燒得剛剛好，不會過火，扇貝鮮甜帶蒜蓉香，層次感十足，蒜香濃郁。沙嗲雞肉串馥郁香濃，鹽燒雞中翼鮮香嫩滑，司華力腸串和台灣燒香腸，燒得啱啱好，味道口感都唔錯，送啤酒一流！紐西蘭羊架鮮嫩沒有羶味！煙肉大啡菇，大啡菇和煙肉各有香味，合二為一都好夾。食串燒一定少不了啤酒，San Miguel和San Miguel Light都係老公揀！