金記冰室 (八號花園) (Closed)

肺炎橫行之下我都多咗叫外賣返屋企食， 平日因為懶嘅關係所以都會喺屋企樓下嘅餐廳買外賣， 食到有些厭， 所以呢日試下大埔嘅金記冰室， 餐牌嘅選擇都有幾多。咖哩牛腩飯呢度嘅咖哩係近是馬來西亞嘅咖哩， 好香咖哩味和椰汁香味， 牛腩炆得夠淋， 夠入味， 唔算好辣， 平時食開小辣嘅人一定食到。xo醬海鮮炒烏冬烏冬炒得夠惹味， xo醬味都幾出， 海鮮有魷魚蝦仔蜆仔 ， 烏冬嘅質地唔會煮得過淋。呢日試咗餐廳嘅外賣覺得餐廳嘅出品都唔錯， 有機會會同屋企人去糖食試下。