湖越

Open Now

Now Closed

餐廳有室內及室外坐位，可以帶埋寵物嚟chill下。餐牌有多款越南美食選擇，小食、湯粉、撈檬、法棍、薄餅、咖喱、火鍋、生蝦刺身、米紙卷、牙車快(沙律)，包羅萬有。香茅豬扒：豬扒煎得恰到好處，充滿肉汁，邊位香口，加埋甜酸汁、蔥花，惹味無比。湖越生熟牛肉湯粉：安格斯牛肉鮮美嫩滑，牛展炆得腍滑；配料有芽菜、蔥花、洋蔥、炸豬皮；河粉如絲般幼滑，牛骨湯用左多達五十斤整晚熬製，非常濃郁，滿滿牛骨香。素菜撈檬：素菜有青瓜絲、山菜絲、紅蘿蔔絲、花生碎，撈埋魚露酸汁和檬粉，簡單既配搭，已經滋味無窮。牛肉炒西蘭花：西蘭花煮得腍甜，加埋爽滑牛肉、炸蒜、紅蘿蔔、紅椒，色香味俱全。總結，餐廳環境優美，食物好味，上菜快，帶給我們越南既味道。