荷華庭園景餐廳 (Closed)

餐廳環境幽靜舒適，地方好大，有大量室內位置。室外亦行園林庭園風，設有獨立房間同戶外坐位，有靚景私隱度又高。仲可以帶寵物一齊用餐，假日黎聚會十分唔錯！酥皮龍蝦湯配蒜蓉包 ($98)酥皮好鬆化，龍蝦味濃郁，仲有少量龍蝦肉。將個酥皮浸埋落啲湯到一齊食，鮮味十足。法式焗田螺 ($128)田螺有成十二粒，夠稔身同鮮味，薯蓉綿滑好CREAMY，整體好唔錯。華庭至尊比薩 ($228)Pizza面鋪滿芝士片，餅底脆薄而唔油膩，餡料亦好足，有火腿、辣肉腸、煙肉等等，食落鹹香味十足。香燒BBQ汁豬肋骨 ($298)肉質好軟腍好Juicy 一啲都唔乾身，加埋秘製燒烤醬，微辣得黎好開胃。而且份量超級大，我地兩個人食唔晒要打包。焗火焰雪山 (細) ($128)打卡必點！外層係打發過嘅蛋白，中內層係海綿蛋糕同雲呢拿雪糕。店員將 Rum 酒淋落雪山再點火，令雪山立即燃燒。然後再淋上朱古力醬，望落真係好似一座火焰雪山咁。第一啖入口有好香濃酒味，蛋白好有空氣感，加埋內層嘅蛋糕同雪糕，口感非常豐富