荷華庭園景餐廳 (Closed)

大埔林村除咗許願樹之外，原來仲有間隱世西餐廳，餐廳地方好大，室外以園林設計，有橋、有魚池，有小屋舍可以進餐，唔在這些小屋舍進餐只打卡都一流，這種戶外佈置香港好少，大讚。當日天氣炎熱留在室內用餐，食物選擇好多，上菜亦快，服務員招呼周到，大推。◇ 𝗕𝗮𝗸𝗲𝗱 𝗘𝘀𝗰𝗮𝗿𝗴𝗼𝘁𝘀 𝘄𝗶𝘁𝗵 𝗠𝗮𝘀𝗵𝗲𝗱 𝗣𝗼𝘁𝗮𝘁𝗼 法式焗田螺即叫即做，上枱時熱辣辣，田螺肉質彈牙有嚼勁，用牛油蒜蓉製成嘅醬汁來焗，遠遠都聞到微燶蒜香味，加上有一打田螺份量，做前菜係必叫◇ 𝗥𝗼𝗮𝘀𝘁𝗲𝗱 𝗥𝗮𝗰𝗸 𝗼𝗳 𝗟𝗮𝗺𝗯 𝘄𝗶𝘁𝗵 𝗣𝗿𝗼𝘃𝗲𝗻𝗰𝗮𝗹𝗲 燒紐西蘭羊鞍7成熟嘅羊鞍切開呈現鮮紅非常美，入口肉質非常嫩滑，特別之處係用普羅旺斯香草醬，這醬特別適合肉類，令羊肉鮮味更出，4件羊鞍份量有驚喜，配菜薯蓉非常綿滑，整道菜十分出色◇ 𝗙𝗲𝘁𝘁𝘂𝗰𝗶𝗻𝗲 𝘄𝗶𝘁𝗵 𝗧𝗶𝗴𝗲𝗿 𝗣𝗿𝗮𝘄𝗻 𝗶𝗻 𝗣𝗲𝘀𝘁𝗼 𝗦𝗮𝘂𝗰𝗲 意大利青醬虎蝦闊條麵意大利青醬Pesto Sauce有特殊香氣嘅醬料，喺意式料理中常用喺意大利麵搭配海鮮，這碟虎蝦闊條麵真係最適合，青青紅紅賣相好吸引，兩隻大大虎蝦肉質彈牙，青醬掛滿闊條麵，每一口都係味覺享受◇