Video
Read full review
2023-07-17
14 views
星期日一家人諗住去林村許願樹遊下，咁就順便搵間環境好坐得舒服啲嘅餐廳食埋個lunch。餐廳有室內室外位可以揀，又有好多打卡位嘅小庭園。最重要係佢有專用嘅車位，揸車嘅朋友會好方便，畢竟林村附近都好難泊車。天氣有啲熱所以揀坐室內。雖然坐裡面，但佢都有落地玻璃窗，可以涼住冷氣都望到庭園境咁食野，感覺好chill。 我哋4個人叫左4個lunch set，有前菜主菜飲品，簡單又齊全。周打魚忌廉湯忌廉湯相當之濃郁，湯係有到掛羹，所以飲落係有質感，唔會好稀。蔬菜量都好夠，所以蔬菜味都出到嚟。魚肉亦都大大舊，好滿足。咖哩角咖喱角新鮮炸，所以夠熱夠乾身，跟埋啲沙律菜，一齊食感興趣會平衡啲。佢嘅蛋黃醬都好好味！美國辣肉腸比薩佢呢隻pizza餅底比較薄，焗出嚟食得比較脆口，辣肉腸味道非常強烈，芝士都非常之足夠令到食落呢非常之濃厚，但有埋三色椒嘅味道就唔會太膩。鵝肝醬焗豬扒飯焗飯焗嘅時間非常之夠，一上枱已經聞到非常之香嘅香味，另外鵝肝醬嘅味道十分之好，配炒飯底真係想叫多個飯，因為呢個鵝肝醬真係非常之好食，豬扒係厚切而且肉汁好多,一咬落去超級Juicy。燒黑豚豬扒呢簡單嘅grill，令到本身已經非常之好味嘅黑豚
天氣有啲熱所以揀坐室內。雖然坐裡面，但佢都有落地玻璃窗，可以涼住冷氣都望到庭園境咁食野，感覺好chill。
我哋4個人叫左4個lunch set，有前菜主菜飲品，簡單又齊全。
周打魚忌廉湯
忌廉湯相當之濃郁，湯係有到掛羹，所以飲落係有質感，唔會好稀。蔬菜量都好夠，所以蔬菜味都出到嚟。魚肉亦都大大舊，好滿足。
咖哩角
咖喱角新鮮炸，所以夠熱夠乾身，跟埋啲沙律菜，一齊食感興趣會平衡啲。佢嘅蛋黃醬都好好味！
美國辣肉腸比薩
佢呢隻pizza餅底比較薄，焗出嚟食得比較脆口，辣肉腸味道非常強烈，芝士都非常之足夠令到食落呢非常之濃厚，但有埋三色椒嘅味道就唔會太膩。
鵝肝醬焗豬扒飯
焗飯焗嘅時間非常之夠，一上枱已經聞到非常之香嘅香味，另外鵝肝醬嘅味道十分之好，配炒飯底真係想叫多個飯，因為呢個鵝肝醬真係非常之好食，豬扒係厚切而且肉汁好多,一咬落去超級Juicy。
燒黑豚豬扒
呢簡單嘅grill，令到本身已經非常之好味嘅黑豚豬扒多咗一浸非常之香嘅燒烤味，再配埋簡單嘅醬汁已經非常之足夠。另外配埋嘅薯蓉亦都好滑。牛油味好重。
美國安格斯肉眼扒
牛扒嘅火候餐廳嘅廚師掌握得非常之準確，肉味亦都非常之濃，配埋醬汁食剛剛好。
Post
