八户屋和食料理

Open Now

Now Closed

卷上面既蟹籽尚算新鮮。吉列蝦炸得靚，唔會飲哂油，又夠脆，而且係即叫即炸，雖然等得耐，但值得。除左蝦，卷入面仲有紫菜同青瓜。青瓜有效咁中和炸蝦既油膩感，達至唔錯既平衡。煙肉芝士卷食落唔會過咸，只係芝士太少。煙肉係預先炸過再放入卷炸既，所以逼走左好多油脂，唔太油膩。惟憾個皮面唔夠脆。芝士年糕一樣唔夠芝士味，不過食落都夠煙韌，又唔會炸到飲油，口感幾得。天婦羅炸粉唔會過厚，餡料同粉既比例OK。蝦天婦羅夠大隻，而蕃薯天婦羅夠哂甜。同上面既炸物一樣，炸得香脆冇飲油。