阿三大牌檔

Open Now

Now Closed

記得上次同朋友黎食飯，食過黑醋骨就念念不忘，今日就想食其他。天氣開始熱，朋友叫咗個無骨泰式鳳爪，鳳爪酸酸辣辣幾入味，重點無咩雪藏味，幾開胃。另外雞控仲叫咗半隻海南雞，雞肉幾滑見到少少紅，岩岩好熟透。點醬油、自家辣汁、薑蓉一齊食。個雞皮係好爽個種食飯叫咗個清清地既金銀蛋肉鬆浸時菜，今日既時菜係白菜仔，份量十足，食到底都仲有，個湯清得黎仲有炸大蒜，味道幾有層次。另外仲叫多咗烤五花肉串，五花肉燒得焦香，肉質幾有彈性，油脂香唔會有豬臭味。本來以為雞肉丸會好鞋好乾，但食落有驚喜有肉汁。三個人一齊食有冷氣既小菜，除開100幾，幾抵食。