振興肉丸

Open Now

Now Closed

上次到朋友屋企打邊爐，食過振興肉丸之後一試難忘，因佢哋嘅肉丸真係非常出色，咬落有肉汁，並非其他肉丸可以媲美，難怪每次經過振興店內非常多人。今次買咗牛丸、貢丸和墨魚丸試。牛骨清湯牛丸牛丸味道做得非常出色，咬一口已經有陣陣嘅牛香味，牛丸中加入了牛筋，令到質感更有咬口，非常彈牙，味道一流，而且有非常多嘅肉汁流出。豬骨濃湯貢丸爆汁系列亦有貢丸，同樣非常好吃，豬肉和脂肪嘅比例剛好，有香濃嘅香菇味，粒粒有咬口，同樣有豐富嘅豬骨湯汁。墨魚丸呢度嘅墨魚丸，零添加，零防腐劑，非常健康。自家製嘅墨魚丸食得出有墨魚嘅鮮甜味，有粒粒墨魚粒，彈牙好食，而且唔會有太多粉團嘅感覺。每粒丸非常大粒，家居常備幾包可以用嚟打邊爐或煮麵食，非常方便。