Homeland (東昌街) (Closed)

今日同朋友黎到大埔Homeland食晚餐前菜叫左煙三文魚凱撒沙律，煙三文魚份量充足，蔬菜新鮮脆口，當中有些少脆口麵包同醃製魚主食就叫左甲羅燒蟹膏燉飯，黎到賣相一流，蟹蓋有蟹肉蟹膏同蟹籽，飯底類似意大利飯，配忌廉醬汁，稀杰度啱啱好，食落唔好有膩嘅感覺。而蟹膏亦非常濃郁，無腥味，送飯完全係絕配。十分推薦鐘意食蟹膏嘅朋友。第二款主食叫左香煎美國安格斯牛腹心扒，牛扒叫左7成熟，配菜有雜菜同薯容，賣相一流。牛扒肉質細嫩，有肉汁唔乾身，而薯容亦都帶牛油香味。之後朋友再叫左個賓尼迪蛋all day breakfast，有煙三文魚，煙肉，沙律菜，英式豬肉腸，賓尼迪蛋同麵包，款式都好多。賓尼迪蛋超流心，帶些芝士，蛋汁夾麵包味道一流。甜品方面就試左Tiramisu，味道不過不失，甜度適中，蛋糕軟綿，如果酒味重返少少會更好。