南方 (Closed)

食車仔麵唔一定大汗耷細汗，食到身水身汗嘅💦位於荃灣大壩街嘅「南方車仔麵」裝潢會令你眼前一亮🤩門面設計十足日系Cafe，店內以木造傢俬配襯灰色牆身，你都幾難聯想到呢度係食車仔麵😌。自助形式落單，先去櫃枱落order付款，憑票領取食物，再揾位坐底，所以呢度嘅車仔麵都有托盤架（木製托盤🌴設計又係好靚☺️）。🔷八寶麵（配辣汁，大辣）朋友一見到八寶麵就心心眼😍$58蚊有齊8️⃣款餸：豬腸、豬皮、豬紅、蘿蔔、魚蛋、牛腩、雞翼尖、時菜👏🏻佢大讚呢度嘅豬紅，醃製過，非常入味👍🏻而辣汁嘅辣度只係一般🌶但夠香、夠惹味唔食得辣都可以挑戰下😏。🔹招牌三餸麵（配咖哩汁）我冇朋友咁「貪心」，食「招牌三餸麵」已經好滿足😁三餸揀左：烤焗豬頸肉🐷、韮菜餃🥟、黑椒牛筋丸🍢餸嘅份量挺多，食一碗三餸麵已經好飽🤰🏻咖哩汁可以再濃稠一啲，因為味道略淡，我落左不少辣椒油😁。🔹極品腐乳通菜另外叫左碟菜，大大碟，抵食❗️。飲品絕對係加分位💯奶類製品試左紅豆奶茶🍼清新飲料則揀左檸檬綠茶🍋兩樣都好飲呀😋。呢度嘅店員有老人家🧓🏻👴🏻👵🏻佢地友善親切，會主動同你傾計💬💬我地話辣汁都唔係好辣姐佢就問我地係唔係四川人😂哈哈，香港人都可以食得辣架啵😏。——