新忠記打冷小菜館

Open Now

Now Closed

屋企大夥人食飯，人數多，梗係一早預約定兩圍。打冷舖居然可以訂位，實在最好不過。打冷餸菜款式好多。蔬菜必不可少，冬天梗係食芥蘭。炒埋肉碎咸魚成一鍋，香噴噴。打冷喎，滷水鵝腸、魷魚片必不可少。兩者配啤係最佳配合。魚香茄子🍆亦香氣撲鼻，但我就覺得太油膩勒。蠔仔粥一大鍋，夠晒全家食。蠔仔都新鮮，無腥臭無沙，仲好creamy添😋見到煎蠔餅更令人雙眼發光 🤩 又厚又大份，食落極鬆脆，超多蠔仔，唔會咬到一口粉，超正 🤤😋蝦丸啖啖肉，又脆又陣牙 ，沾酸甜汁一齊食 🤤 yum 滷水鵝要半隻，不過滷水味麻麻，滷味唔夠香。鵝肉少，鵝片切到勁薄 😕 唔推介雙面黃炸到脆遳遳，沾砂糖同黑醋，過癮。仲有嗌豬紅韭菜，但唔好食 😟大圍食飽飽，總算滿意啦。