新景園咖喱小廚

Open Now

Now Closed

原本諗住試近期最具人氣薄餅店，但由於太多人所以轉移目標去食咖喱。去到門口，望一望餐牌，見到入面仲有一張吉枱，即刻二話不說入去坐。除左咖喱，仲有小菜同一d炒粉麵。諗左一陣，order左一個咖喱豬扒飯同小菜--鮮茄斑腩，兩個都係跟餐。主菜未到，先黎左兩碗例湯。望落個湯都幾清，飲落有d意外驚喜，因為平時飲開果d例湯，一係油一係味精重，佢就幾清甜，所以今次我都打破慣例飲晒佢。跟住主角--豬扒飯出場。嘩!好大碟呀!d豬扒咬落外脆內軟，有鮮肉既甜味，再加埋辣辣咖喱汁，送飯一流!另外個小菜都唔錯。d斑腩真係食到啖啖魚係裏面，唔似其他餐廳製成品，只得厚厚既炸粉，不過份量就少左d囉，得5-6舊魚。整體黎講，食物質素唔錯，價錢唔係特別平，不過一分錢一分貨喇；環境就比較狹窄，但乾淨。