炊豕店 (加路連山道) (Closed)

銅鑼灣依間炊豕店，已經bookmark左好耐，今日終於食到🤩夜晚7點幾黎到，條隊無想像中難排喎😎雖然店舖細，但人流都去得快。嗌左一碗 #葱油豬扒飯 ($62) 同 #秘製豬扒飯（咖哩汁） ($62)，每碗都放上四大件厚切炸豬排，幾乎睇唔到下面啲飯!果然名不虛傳，炸豬扒外脆內軟，肉質軟嫩多汁，不過有啲厚粉。葱油多到唔洗錢咁，估唔到燒味飯食得多既葱油，原來同豬扒都勁夾！食完成口都係葱油味，爽呀😇咖哩汁就普通左啲，係大家樂大快活啲港式咖哩汁，幾好食但無咩特別咁，下次可能會試肉燥汁。隻蛋煎到有燶邊，蛋黃仲保持流心，勁正。見唔少人都會加 #炒滑蛋 同 #厚切午餐肉，但今餐太邪惡就無嗌到。反之嗌左碟 #涼拌大豆芽 ($22)，咬落爽脆，涼拌醬汁帶微微酸香，嗌下自己今餐好健康。