溏苑 (Closed)

之前有朋友推介我食呢間甜品鋪，於是趁等睇戲期間入去試試我和朋友們分別點左蜜糖肉桂香蕉窩夫，公司雪雪堡同朱古力綿花冰先講我個，一黎到個賣相已經好吸引，一個用竹籤吉住既窩夫塔，加上幾片甜漿鋪面既香蕉同雪糕，有陣好香既肉桂味！我本身好鍾意食窩夫，一食落去感覺超好，窩夫外脆內軟，而且熱辣辣咁！鍾意食窩夫真係要黎試一試！d香蕉都唔錯，唔會太腍，最怕出去食甜品比ｄ熟過頭既生果我！香蕉加埋面頭既小小糖漿，感覺甜而不膩！不過可能我同朋友都鍾意食窩夫，所以如果多幾舊窩夫就更加好啦！而朋友們點既朱古力綿花冰亦帶有非常香濃既朱古力味，我見佢都係表明話係用法國著名既valrohna72%黎整！不過我今次想寫既係公司雪雪堡！公司雪雪堡其實係兩塊厚多士上面有三球唔同味既雪糕和生果！個雪雪堡黎到果時我地幾個都爭住影相覺得佢好靚！講番個味道啦，脆脆既多士加埋雪糕個感覺幾特別，因為個多士夠厚加埋雪糕食唔會太甜，但食到一半既時候雪糕已經熔得七七八八，如果d雪糕可以雪凍d硬d唔會咁快熔哂就更加好啦！朋友冇介紹錯，呢度既甜品真係幾好味又好抵食，下次我地想試下佢地個心太軟，睇到隔離枱點左，聞到好香，賣相都好靚，不過我地趕住睇戲