元札幌拉麵 (宇晴軒商場) (Closed)

今日同朋友嚟到荔枝角附近買嘢，之後朋友就話想食拉麵🍜所以就即係search下OpenRice附近有咩日本拉麵嘅餐廳😛俾我哋揾到宇晴軒商場嘅呢間拉麵舖🥳因為之前已經食過佢係荃灣嘅分店，感覺都幾好...所以我同朋友就決定係到食我哋嘅晚餐啦🤗食物選擇好豐富☺️可以揀套餐，定食或者二人餐~最後我同朋友分別嗌咗温泉蛋叉燒飯定食同温泉蛋和牛飯定食😍另外仲嗌咗一個士多啤梨芝士蛋糕🍰作為甜品🤓定食除咗有個飯之外，仲跟咗酸蘿蔔、中華沙律、茶碗蒸、味噌湯同一罐汽水😇温泉蛋叉燒飯定食大大碗，叉燒舖滿哂係啲飯上面🤤叉燒切得薄身，夠大塊，而且肉味香濃，唔會好乾身😛温泉蛋流心效果十足~撈埋啲珍珠米一齊食好好味💯其實士多啤梨芝士蛋糕即係普通芝士蛋糕淋上咗士多啤梨醬🍓同樣都係大大舊😂建議大家真係食完飯之後仲想食甜品先好嗌🙊因為其實我同朋友食完個定食之後已經好飽🙈整體感覺唔錯，有機會會再嚟😚