今助烏冬御膳 (Closed)

因為要去買野所以出左旺角，諗唔到lunch食咩就上雅蘭中心行下，點知俾呢間餐廳啲食物模型吸引左😂，於是就衝左入去食。我地1點半左右去到，人唔太多只係半滿，但坐左15分鐘後竟然見到外面開始排隊，真係好彩。唔知點解突然好想食肉，本身想就咁叫個牛肉鍋燒烏冬，但又心思思想食壽司，於是決定叫個set，多$25就有埋份壽司🍣啦。就咁睇menu佢寫叫牛肉鍋配壽司，點知黎到發現原來佢都係有烏冬喺入面！湯汁係甜湯，但甜度剛好，我食鍋烏冬嘅中途都冇飲過水👍🏻。不過烏冬加壽司真係太多，下次都係單叫好了。