LM Cafe (Closed)

好不容易捱到星期五，約左朋友仔食餐好嘅慰勞下自己嘅胃同心靈，觀塘區多美食，今次就黎左LM cafe試下。呢間店名嘅LM stand for 龍門，入面燈光偏暗，有cafe嘅感覺，但呢度嘅野食又有茶餐廳風格，都幾有趣。我同朋友仔叫左個吞拿魚玉子燒配炸蝦撈丁、四式芝士意粉同埋芝士肉醬焗薯條，野飲就叫左抹茶latte。四式芝士意粉跟沙律同餐湯，意粉嘅芝士味好濃厚，醬汁好濃郁，要趁熱食，如果唔係好易結成一團，味道唔錯，但一個人食一盤好易膩，我地2個人share就啱啱好可以食哂。我真係超推呢度嘅玉子燒餐，大份又好味，超級正! 呢碟吞拿魚玉子燒一上枱令我同朋友仔都呆左，份玉子燒係同隻碟一樣長咁滯，有我隻手咁長，寬度度都有近半隻碟，好誇張!切開入面一睇，餡好足，好多吞拿魚，D芝士係會慢慢湧出黎，散落係舊玉子燒周圍，味道好濃郁，好滿足! 炸蝦都好香脆，撈丁嘅面煮得唔錯，面質好爽，成個套餐好味好抵食!另外仲叫左個小食，芝士肉醬焗薯條，好邪惡但好好食，肉醬份量相當多，足夠全部薯條都可以有肉醬相伴，中間嘅部份比較濕潤，有小小肉醬薯蓉feel，呢個都係要趁熱食，凍左佢嘅油感會比較重。題外話，上餐果時waitr