大越越南餐廳

Open Now

Now Closed

今晚收工唔想煮飯，想食完先返屋企，經過屋企樓下俾餐廳外牆幅璧畫吸引又見佢轉左手重新裝修完一直未幫襯過，今晚就選呢間來試吓，而且又少食越南美食，就入呢間食返餐飽先，睇餐牌有：套餐、火鍋、飯、河粉、羊腩煲、小食和小菜選擇。我哋散叫左幾個來食軟殼蟹米紙卷：米紙卷入囗清淡，咬落蔬菜新鮮爽囗，連同軟殻蟹一齊食，美味可囗，覺得淡可點埋個越式醬汁，提升味道大越小食拼盤：（春卷、胡椒豬肉串、煎扎肉、牛肉蝦片）胡椒豬肉串賣晒轉左做蝦餅，春卷熱辣辣香脆可囗，蝦餅和煎扎肉味道惹味，點埋個酸甜辣醬更好味，牛肉蝦片，蝦片入囗脆咯咯大越火車頭2人份量（生牛肉、牛腩片、牛丸、牛栢葉、牛筋）：我覺得唔祇2人份量，個湯底好濃，我選左金邊粉，入囗好滑，生牛肉半生熟好嫩滑，牛腩片牛味濃唔硬，牛丸入囗彈牙，牛栢葉爽囗，牛筋腍滑唔使用力咬最終食唔晒，太大碗，要打包返屋企做宵夜，下次再來可以試埋其他