水蜜桃冰室 (Closed)

旺角呢間水蜜桃冰室雖然個名叫冰室，但裝潢果d其實都幾似一間歐陸既餐廳，菜式方面有鐵板餐、意粉，亦都有意大利飯、溫泉蛋飯、燒肉等，其實種類都幾多。冰室雜錦鐵板燒 (牛柳、羊扒、雞扒同德國腸) $125晚餐包餐湯同飲品(加$12仲可以配酥皮，邪惡得黎好正！)，而且呢份鐵板餐包既肉類都有牛同羊，比起一般街外既雜扒餐黎講真係貴價d😂，除左一般既黑椒汁同燒汁仲可以揀雜菌汁，一黎到真係放到好滿😂，薯角好粗身，而店員仲會淋上白酒營造火燒既效果😂，無諗過鐵板餐都咁有心思！不過食落覺得d酒既味有少少搶左醬汁既味，淋少d會更好。其實份鐵板餐份量好多，建議兩個人share會更好！#低溫牛柳意式煎飯 $98 幾特別既煎飯，係risotto既味道，忌廉味道都重，仲加左芝士，飯特意壓扁，好似飯焦咁，但口感更加濕潤😝，格雜既低溫牛柳其實食落同一般既無乜分別😅。日本Lisse迷你南瓜雪葩 ； 蜜桃雪葩 (跟餐+$35/原個) 送到上黎以為即刻食得，原來要用火槍燒一燒佢先，話驚太凍食唔到😂😂😂，呢樣真係估佢唔到，不過又真係，燒過後易畢好多😆！南瓜雪葩較creamy，而且奶味比較重；蜜桃雪葩就比較冰感，似飲蜜桃果汁咁