凱柏冰室 (Closed)

荃灣嘅海之戀商場，越開越多美食，仲有donki可以行，同朋友行完Donki，決定喺商場入邊搵嘢食。餐廳有小菜或者鐵板，鍾意食肉嘅我叫咗佢哋嘅鐵板餐，估唔到咁抵食，可以自選唔同嘅肉類。我揀咗咖喱吉列豬扒炒蛋餐，吉列豬扒有成塊面咁大，本身套餐仲附送火腿腸仔同薯條，仲可以跟飯、薯菜或者意粉，完全唔怕唔夠食。而朋友就選擇左黑椒豬扒香烤雞翼餐，同樣肉類一啲都唔吝嗇，大大塊豬扒再加三隻大雞翼，佢哋嘅薯條係幼身同埋本身已經有調味，非常香脆而且唔使點任何醬汁都好好食。