凱柏冰室 (Closed)

新年之後佢哋間舖頭轉左餐牌，唔知係咪轉左老細呢🧐🧐🧐我估佢嚟緊會轉名..本身好期待佢有咩新野食，因為本身已經選擇唔多，但係個份量都OK點知去到一睇，竟然冰室係冇茶餐！！！夠晒特別得返啲類似西餐廳嘅炒粉麵意粉，入到去即刻走咗過一排行過又望下，見到佢加咗個午餐餐牌，平咗少少，咁就去試吓啦，叫咗類似火鴨絲炆米，點知嚟到有啲失望，同以前好大碟相比而家勁細😕😕😕個味道就一般，還可以咁都諗住唔再去，點知見到近期行過見佢加返個特餐，同以前一樣$55，所以諗住俾多次機會佢。唔知係咪人少左，野食黎既速度快左，但係點知個size細咗，通粉勁小，個炒蛋仲過分，得返以前一半定係三份一，間餐廳變咗翠河咁既質素，但係就收貴d.仲有腸仔雖然係廚師腸，但係凍嘅！食完呢兩餐忍唔住要寫返個食評俾佢，等大家知道呢排已經已經唔係以前有o個間，除咗員工嘅服務係一樣！真人真事！有個客一入嚟坐係我隔離，俾個員工講左兩句就即刻走咗！咁落去真係好快執

佢個招牌拆左凱帕兩個字，得返冰室。食咗午餐蕃茄豬扒飯D豬扒OK，薄薄地，唔算好硬個汁就係正宗頹廢汁加左幾舊仔白汁節瓜，奇怪最緊要杯奶茶，難飲到喊，枉佢話自己係冰室而家呢個時勢，佢D地方都算污糟。67蚊食呢個頹飯好唔抵

街坊系列 – 凱柏冰室💚人氣商品DONKI帶動下🐧荃灣愈黎愈多食店進駐🍽️------------------------------環境: 店舖座落荃灣最新商埸🤩鋪位相當大🪑座位相當多亦都相當闊落📏坐得非常舒服------------------------------食物: 特濃沙爹牛肉公仔麵🍜拼牛乳炒蛋,牛油厚多士($39)沙爹味道濃郁🌶️帶點微辣麵質軟硬適中😋份量稍小牛肉正常水平🥩份量合理炒蛋唔錯🥚非常滑身蛋香十足🍳份量亦足多士係成個早餐最失敗之作🍞極度乾身🥶似係放落雪櫃隔左夜第二日再烘熱個面既口感😐搽再多既牛油都補救唔到🧈茶走合格水平☕夠熱又香又滑------------------------------服務: 當日維持4️⃣人限聚店員一直只照顧2-4人既排隊😤小編當日一人去食⏱️久久未能入座等待入座時👂🏻聽到剛用完餐既人講👨🏻未食完都收走,好生意唔係咁做呀實測後都發現👀店員有吹客同趕客既情況------------------------------環境: 6 /10食物: 6.5 /10服務: 3.5 /10

已經不只是第一次來光顧這間餐廳，餐廳裡面有三位女仔員工，上次幫我落單的員工沒有名牌的，所以不能公開這員工名字，她的服務態度很差，覺得我阻住佢落單，另外，水又沒有一杯，我覺得如果這間餐廳想繼續好好經營， 應該改善服務員態度，不要因為服務員而埋沒餐廳食物質素

當我第一次租住荃灣如心酒店，好姊妹聽見住酒店一晚送一晚優惠，有見及此！她也租住一間！實行拍住隔離一齊住！在第二日的早上，我提議走到酒店附近的海之戀商場地下新茶餐廳 <凱柏冰室> 食早餐！門口位於望海方向，荃灣西站 C1 出口隔離！環境舒適寬敞！向海的餐桌，只有3張！我們有幸被安排到向海的餐桌，滲進日光，零舍醒神！限聚令之下，店方以易拉架分隔桌子，以保持社交距離！除此以外，店方還提供紙袋仔，方便食客存放口罩，相當貼心！早餐：早上 7:00~11:30 供應 雪菜肉絲銀絲米粉拼牛乳炒蛋、牛油厚多士 $34雪白幼身的銀絲米粉尚算爽口兼入味！雪菜肉絲惹味，一濃一淡，配搭得宜！牛乳炒蛋、牛油厚多士厚多士烘至金黃香脆，牛乳炒蛋香濃嫩滑！熱奶茶奶與茶味平衡，不過不失，勝在大杯可以慢慢飲！下午茶事隔一星期後，我又專程走來幫襯第二次，一於以下午茶的抵食價嚐試喇沙湯底沙爹牛肉米粉！冰室至尊常餐 $59：奶醬厚多士、火腿、牛乳炒蛋、喇沙湯麵、飲品奶醬厚多士既香口甜美又邪惡！喇沙湯底沙爹牛肉米粉 喇沙湯底未嚐已傳來香味，香濃而微辣！牛肉大塊兼柔軟！米粉吸收湯底精華，加上牛肉的肉汁，提升味道，令

真係忍唔住出多個post介紹呢間野上次就講個咖喱牛腩飯🙄🙄🙄今次就同大家講吓佢哋嘅服務態度如果唔係差差到咁....我都唔想寫多個post呢間野除咗有海景，份量都算OK之外應該都冇咩可取嘅地方...我都唔明點解佢啲牛肉可以係冇味...都係講返服務態度先今日又係懶得行去其他地方所以又嚟咗呢間餐廳食坐低叫嘢食，首先就冇人理，死叫爛叫先有個人黎，其他人就話等等先（成日都係咁）都叫佢拎同紙巾，直頭想抌落嚟雖然我都知道可以自己可以去拎，但係唔使咁嘅態度以前啲茶餐廳都會拎定水同紙巾俾你，而家好似叫佢拎就有問題🙄🙄🙄

成日都嚟呢間食係，係因為佢夠近同埋有海景環境唔錯👍🏻👍🏻👍🏻通常食佢個常餐，一個星期都可能食兩至三次呢排見天氣凍，想食下飯飽肚啲🥺🥺今日就叫咗咖喱牛腩飯🤓🤓🤓你都有少少失望，個size好細！！😤😤😤總共有三舊牛腩兩舊薯仔😤飯就正常size👌🏻價錢係$65，平定貴就見仁見智🧐🧐🧐下次都係唔好叫飯食個常餐抵啲😣😣😣價錢就係$55凍飲+3蚊都係正常價，其他人可以試吓

一入黎都覺得服務麻麻，坐低左好耐最後餐牌要叫人先拎俾我，叫完餐先送你一隻有蚊既凍奶茶，之後至尊常餐到左，多士+煎蛋腸仔+牛肉蕃茄湯底麵，食完覺得都係一般般。大家可試可唔試，個人覺得試一次就夠。

個場冇咩人 企左至少二十分鐘都冇人幫我睇過單 最後自己埋去問 個外賣擺系度冇人理過 不知所謂的服務 如果多人都算 問題當時唔係好多客人都可以咁樣要人等 問都唔問下 差評亦不想再光顧

荃灣海之戀有一個好靚嘅海濱，仲可以搵到間平靚正嘅冰室，一路海景送飯，啱晒糧尾嘅我。好，坐低睇吓有咩好食先。見到餐廳內部佈置都幾得意。鮮茄燴豬扒煲，真係原煲上，上枱嘅時候醬汁仲係滾住，夠熱先好食，記住要小心唔好燙親手。豬扒啖啖肉，首先煎香，再放入煲去燴，食落夠腍夠入味，仲有大大件好多件。真係原隻蕃茄㗎，醬汁亦都好有蕃茄味，係新鮮蕃茄加茄汁。跟白飯好夠份量，大食都夠飽。凍檸蜜，唔會太甜，飲凍飲涼浸浸。

冰室環境明亮、寬敞， 用餐時 ，透過落地大玻璃， 可以欣賞到無敵海景，令人食指大動。冰室至尊常餐$65至尊常餐材料好豐富 ， 有田園蕃茄湯意粉， 意粉軟硬適中 ， 每條意粉與酸酸甜甜的蕃茄湯底一起吃， 仲有啖啖 新鮮蕃茄蓉 ，令人胃口大開。 炸豬扒(另加 $6)大件肥美，外皮炸到金黃酥脆， 外脆內軟，配埋沙律醬， 更加惹味。 丹麥多士( 另加 $4)， 有千層的口感， 每口是誘人的牛油香氣。牛乳炒蛋， 十分滑溜， 滿滿的蛋香， 仲有兩條美味腸仔， 認真抵食。濃香咖哩牛腩飯$65濃香咖哩牛腩飯， 上枱時， 陣陣咖哩香氣撲鼻而來，牛腩輕輕已經可以咬開 ， 十分軟稔、 入味， 咖哩汁香而不辣 ， 薯仔口感棉糯， 白飯足2人份量， 咖哩汁拌飯 一流， 不消一會 ，將所有白飯通通吃光了。火腿炒蛋三文治烘底 (另加$2)(下午茶) 配熱奶茶$32三文治烘底後 ，香脆可口， 配上火腿和滑溜的滑蛋， 簡單而滋味。 熱奶茶，茶和奶的比例剛好， 茶香奶滑， 好地道的港式奶茶風味。

今日同朋友去左行海之戀商場😆見到喱間餐廳，間餐廳係海邊😍望落去好乾淨企理👍🏻間餐廳既侍應好nice，因為原本我地唔係坐卡位🙊但個侍應見到卡位有人走左就主動幫我轉望海卡位💃實在太貼心😻😻🍜冰室至尊常餐 $65->丹麥多士午餐肉牛乳炒蛋 🍳 ->香烤雞中翼豬骨濃湯米粉🐣每次去茶餐廳都好鍾意叫常餐🙈因為有好多唔同種類嘅嘢食啱晒貪心嘅我🤫丹麥多士搽咗牛油之後好正，唔會好似厚多士咁硬😍牛乳炒蛋好重牛奶味🥰將午餐肉同牛乳炒蛋放喺丹麥多士上度食🤤口感好好又好食🤩🤩雞中翼炸粉比較厚但係新鮮炸出嚟熱辣辣🤪豬骨濃湯米粉唔會太鹹，食得出味精唔太重👍🏻🥩經典鐵板餐 $89-> 火腿腸仔粟米薯條 🍟->黑椒汁西冷牛扒漢堡扒🐮呢個餐好抵食😆😆超級多配菜又有扒食🤤黑椒汁黑椒味比較重偏胡椒辣少少🤪拎嚟送飯一流😍牛扒係全熟嘅牛扒但完全唔會韌同痴牙👏🏻👏🏻漢堡扒有兩塊而且唔會有好重既雪藏味🤩個餐多嘢食到連比較大食既朋友都表示食唔曬😂性價比勁高👍🏻👍🏻—————-凱柏冰室 (荃灣)荃灣大河道100號海之戀商場地下G01號舖

呢個星期第二次喺海之戀商場食晚飯，今次揀咗位於商場地下嘅呢間冰室，位置比較隱蔽，門口唔喺商場入面，而係喺海濱直接入嚟。食物選擇唔算多，晚市主打茶餐、小菜、鐵板餐同喇沙湯粉，價錢非常合理。一向對喇沙毫無抵抗力嘅我一眼就睇中呢個喇沙湯銀絲米粉，皆因佢標榜係正宗嘅新加坡椰香喇沙，一試湯頭果然有料到，味道係極度香濃，配上細軟嘅銀絲米粉同爽脆嘅芽菜絕對一流，淨食湯粉已經令人滿足。魚片同平時食到嘅唔同，用腐皮包住再炸，口感彈牙。雞翼帶有淡淡嘅香茅味，炸得非常酥脆，但又唔會乾爭爭，配上喇沙湯底亦係一流。鐵板餐配搭選擇多，豬扒仲可以揀香茅豬扒或者吉列豬扒，當然唔可以放過咁少有嘅吉列豬扒，配上香烤雞扒，大大份。鐵板餐本身附送腸仔、火腿、粟米同薯條，份量好足，腸仔更加係廚師腸，加分！吉列豬扒炸得夠香脆，炸漿亦唔厚，配上黑椒汁份外惹味。香烤雞扒非常厚，而且肉嫩多汁，質素同樣唔錯。熱檸蜜香甜滋潤，最適合而家初秋嘅天氣。凍檸茶大大杯，茶味香濃，甜度適中，係鐵板餐嘅最佳拍檔。冰室整體食物質素唔錯，特別係喇沙湯粉，香濃滋味實在令人留低深刻嘅印象，原來常餐都可以配搭喇沙湯底，下次一定唔可以錯過。

雖然八號波做到嘢，唔使返工，但亦無出去買餸，所以夜晚就出去食。一直經過海之戀，都想試吓凱柏。個人一向好鍾意食常餐，加上見到佢仲係丹麥多士，已經好吸引，所以即刻試一試。至於我老婆就叫做一個鐵板餐。因為要比埋小朋友食，唯有忍痛唔食我最愛嘅沙嗲牛肉湯底，叫咗蕃茄湯底，另加煎雞扒。蕃茄湯底好濃郁，我覺得稍為有點太甜，但相反小朋友就吃到舔舔嘴。最有驚喜係所有煎炸肉類，炸雞翼、煎豬扒、我常餐另加嗰塊煎雞，簡單而言：外脆內嫩，有應該有嘅肉味，好惹味！值得一提嘅係，鐵板餐嗰啲薯菜，係麥當勞扭扭薯條嗰種薯條，我個人就覺得好好味。雖然價錢唔平，但能夠舒舒服服咁食餐好味嘅晚餐，感覺都幾好！下次我已經想朝早去嘆過靚早餐！但冰室冷氣超凍，去嘅朋友記得帶外套。

放工去左葵廣行街發現好多都變左夾公仔舖🥴但都開左好多新食店兜左個圈有幾間都想試不過又唔想食晚餐前食咁多野所以最後咩都食到😂😂——————————————————約左👨🏽‍🦱去荃灣食野行街搵左間海景冰室最衰無曬海景位唔係就可以來一場視覺與味覺嘅享受👨🏽‍🦱黎到同我生智慧齒牙痛 陰公無可奈何之下只有揀常餐雪菜肉絲米豬骨湯底聞到啲肉絲有陣煙燻味好特別雪菜彈牙得嚟好易入口銀絲米粉因為太幼而煮得耐變糊仲保持到條條分明見佢牙痛都食得津津有味🤭香滑炒蛋係我最愛好creamy值得一提係啲腸仔睇得出整得好有心機一咬落去就feel到好脆皮唔係就咁烚熟就算中島我叫左咋咋聲嘅鐵板餐特別在佢哋係可以自己話事要食乜揀左牛同雞扒隨附有薯條 火腿 腸仔超豐富大份見到都嚇親😂😂不過如果可以加魚柳呢個選擇就好咁就可以大魚大肉🤭之後見到人地啲吉列豬扒飯超誇張下次我又要食🤣🤣🤣——————————————————◉ 冰室至尊常餐 $55◉ 熱石鐵板燒 $89