Video
Read full review
2023-12-21
27 views
臨近聖誕，最近天氣又開始轉凍🥶🥶，突然之間有啲想同fd 食吓嘢，今日嚟到荃灣鱟地坊搵到呢間串燒店，同fd<<共度一燒>>。🔥🔥入到鋪頭，環境好乾淨整理，而且會播放一啲歐美流行歌，好有氣氛。🙌🏻呢度有個吸睛package ($158，120分鐘暢飲放題)，有各式酒類🍹啱晒想無限痛快暢飲嘅朋友，我同朋友先嚟一個highball Whisky 同 Mojito暖下胃先。🥰🥰五花腩串🐖 $20未拎起已經聞到肉香，油脂同瘦肉好平均，加上孜然粉，入口好惹味。送酒飲必需配搭。豚肉🥓京蔥卷$20呢一串野咬落去會有少少爆汁💦，蔥香加豚肉口感唔錯，好過癮。蒜香燒蟶子$50👍🏻👍🏻上面滿滿嘅蒜椒蔥，好少食到呢款size 同手差唔多嘅蟶子🥹，食落都保持到蟶子嘅鮮味,彈牙爽口。😋😋蒜香燒生蠔$50生蠔大大份，蒜香，生蠔肉汁同蔥香層次分明。👍🏻👍🏻一串有三大片，片片都保留原條茄子🍆$42呢個係食串燒必點，賣相好好，好大份。出面其他地方食呢款，好驚太咸太燶。但共度一燒喺呢方面做得好好同好入味，而且好容易一條條撕落嚟，入口好juicy。蒜香牛油雜菇🍄$40有冬菇，金菇，雞髀菇，每啖都帶
臨近聖誕，最近天氣又開始轉凍🥶🥶，突然之間有啲想同fd 食吓嘢，今日嚟到荃灣鱟地坊搵到呢間串燒店，同fd<<共度一燒>>。🔥🔥
入到鋪頭，環境好乾淨整理，而且會播放一啲歐美流行歌，好有氣氛。🙌🏻
呢度有個吸睛package ($158，120分鐘暢飲放題)，有各式酒類🍹啱晒想無限痛快暢飲嘅朋友，我同朋友先嚟一個highball Whisky 同 Mojito暖下胃先。🥰🥰
五花腩串🐖 $20
未拎起已經聞到肉香，油脂同瘦肉好平均，加上孜然粉，入口好惹味。送酒飲必需配搭。
豚肉🥓京蔥卷$20
呢一串野咬落去會有少少爆汁💦，蔥香加豚肉口感唔錯，好過癮。
蒜香燒蟶子$50👍🏻👍🏻
上面滿滿嘅蒜椒蔥，好少食到呢款size 同手差唔多嘅蟶子🥹，食落都保持到蟶子嘅鮮味,彈牙爽口。😋😋
蒜香燒生蠔$50
生蠔大大份，蒜香，生蠔肉汁同蔥香層次分明。👍🏻👍🏻
一串有三大片，片片都保留
原條茄子🍆$42
呢個係食串燒必點，賣相好好，好大份。出面其他地方食呢款，好驚太咸太燶。但共度一燒喺呢方面做得好好同好入味，而且好容易一條條撕落嚟，入口好juicy。
蒜香牛油雜菇🍄$40
有冬菇，金菇，雞髀菇，每啖都帶有牛油香。食吓食吓好快清哂。
另外仲點咗
翠肉瓜$16
XO醬粉絲娃娃菜$40
金菇肥牛卷$20
魷魚串$28
台灣腸$18
酸辣粉：
冇諗過燒烤主題嘅鋪頭竟然有酸辣粉，決定試試佢。呢碗比起出面嘅唔會太多紅油，食落心理唔會有壓力，味道唔錯而且大份料足。
其間店員攞咗杯冬日限定mulled wine俾我哋warm up，飲落去暖暖地，好易入到狀態。
整體嚟講呢間啲串燒抵食大大份，店員好親切，而且上枱都幾快，所有嘢15至20分鐘上齊哂。環境氣氛好好，今日坐足2個鐘同朋友吹水食酒完全冇悶場。👍🏻
Post
