ZAKS (Closed)

 👁‍🗨難得入黎梗係要食d野，但唔知有咩食，係網上搵呢間話係比較出名既! 有上下兩層，亦有戶外海景位置!估唔到食物份量都幾大，質素中等，雖然唔會話係好難忘既味道，但呢度黎講係幾抵食既。 🔷招牌特色Pizza $150 -可揀厚批或薄批，揀左厚批，批邊位脆入面好鬆軟，有香腸+辣肉腸+火腿+青椒+洋蔥+菠蘿，食落係一貫pizza傳統配蕃茄醬&芝士既調味， 唔太感受出咩特色風味😂  🔶白酒大蜆意粉 $160-有d蒜蓉香，意粉炒得彈牙，乾濕度ok，可能麵底太多，調味算係較清淡。