Video
Read full review
2015-01-29
3889 views
第一次番工出糧想感謝下父母，於是想搵間好啲ge餐廳食番餐，估唔到搵到間咁正 講下環境先～地理位置勁方便，地鐵站一出行過2步就到～ 另外有BB ge關係，好貼心咁安排左一間房比我地 而且間房隔音幾好，出面明明十幾人食緊飯，一啲聲都聽唔到～～ 我自己最愛啲炸魚仔同糖衣栗子 屋企人話個酸梅涼瓜都好正，我未到半生就唔識欣賞呢啲半生瓜啦 其他仲有淆肉、青瓜同好特別ge柚子醬番石榴都好正 嘩！呢個不得了，全晚三大亮點之一！身為廣東人，湯就一定係由細飲到大！所以出街要搵啖好湯飲其實好難(除非你滿足於味精湯 :ghost 講番個湯，足料夠火候就不在話下，師傅仲要好心機到一人一個紫砂壺咁上，外觀吸引得黎，又可以保溫，方便你慢慢飲，真係好正 隻蝦大隻到暈左 配埋淡淡的香草味，真係食到lamlam脷 豪華併盤，有齊鮑魚冬菇花膠鵝掌～師傅再神來一筆，脆炸牛蒡絲！炸到脆卜卜，點一點啲汁黎食， 亮點2號！(家燕姐mode)實在太好食啦！以後食唔番點算！ 係因為家父係魚迷，所以特登拜託黃師傅整條蒸魚～估唔到黃師傅幫我地買到條海ge黃皮老虎班！勁新鮮同勁
講下環境先～
地理位置勁方便，地鐵站一出行過2步就到～
另外有BB ge關係，好貼心咁安排左一間房比我地
而且間房隔音幾好，出面明明十幾人食緊飯，一啲聲都聽唔到～～
我自己最愛啲炸魚仔同糖衣栗子 屋企人話個酸梅涼瓜都好正，我未到半生就唔識欣賞呢啲半生瓜啦
其他仲有淆肉、青瓜同好特別ge柚子醬番石榴都好正
嘩！呢個不得了，全晚三大亮點之一！身為廣東人，湯就一定係由細飲到大！所以出街要搵啖好湯飲其實好難(除非你滿足於味精湯 :ghost 講番個湯，足料夠火候就不在話下，師傅仲要好心機到一人一個紫砂壺咁上，外觀吸引得黎，又可以保溫，方便你慢慢飲，真係好正
隻蝦大隻到暈左 配埋淡淡的香草味，真係食到lamlam脷
豪華併盤，有齊鮑魚冬菇花膠鵝掌～師傅再神來一筆，脆炸牛蒡絲！炸到脆卜卜，點一點啲汁黎食，
亮點2號！(家燕姐mode)實在太好食啦！以後食唔番點算！ 係因為家父係魚迷，所以特登拜託黃師傅整條蒸魚～估唔到黃師傅幫我地買到條海ge黃皮老虎班！勁新鮮同勁好味呀 十萬個like
亮點3號！因為條魚太好味，原先怕隻蟹會被比下去，點知招牌菜真係無得輸！蟹ge外面已經焗乾身，將啲汁鎖住曬係入面～黃師傅仲要揀左隻巨型大肉蟹，淨係個鉗都已經半塊面咁大
先頭仲以為係會用啲玫瑰做調味，但係原來師傅係好好心機咁，用菜葉卷起黎作玫瑰～我覺得個名改埋紅心白玫瑰就仲浪漫D
濃郁ge蝦味未食已經傳入個鼻到，真係配合晒「飄香」個名 即使去到尾聲大家都仲係極速ko左個飯
咁啱呢排流感勁，屋企人幾個都有少少咳，作為今餐ge結尾甜品，呢個糖水無得彈 最後埋單都只不過係600一位，聚點私房真係無得輸！
位置：方便
價錢：超值
食物：淨係計條老虎班，唔係誇張，係出面你有錢都未必食到！性價比極高！
最後想特別想讚賞服務方面～
首先，佢地會入黎房幫我地換骨碟 唔似有啲大酒樓，你入左房落左order就唔再理你，當你無到
另外，佢地仲分別送左一個星型ge閃光燈棒比BB；之後再加送一枝原子筆比我，祝我前程似錦～呢啲咁窩心ge服務，出面真係一間都搵唔到！
Post
