餃子館

Open Now

Now Closed

係新北江成日經過呢間野都見好多人排隊同等外賣，成日想試但唔想等，難得有日早放就的起心肝掃試下～佢 menu 有成 8 款餃子揀，冬天仲有羊肉餃湯都有辣同唔辣，仲有得加米線有選擇困難症既我就揀左 8 式拼盤，每樣試一隻，邊隻好食就下次單買個隻～由於驚一個人食唔哂，就揀左外賣返屋企食，外賣都等左十分鐘以上每隻餃子都有半個掌心咁大，大概係平時既 2 倍，真係好足料！配埋辣菜甫食都幾開胃，唔覺得好滯除左韭菜，粟米香菇豬肉，芝士，同香菇木耳雞肉，另外 4 隻都分唔到邊隻打邊隻韭菜同粟米絕對係我既雙冠軍，涵料又香又飽滿，下次會雙拼呢兩隻～