Video
Read full review
2021-04-01
319 views
寫呢篇食評之前我都糾結咗一陣，一方面麥當勞作為全球連鎖快餐店，本身已經擁有相當高嘅知名度同埋標準化餐飲體驗，我冇需要特登寫食評去講；而我作為麥當勞嘅小粉絲，每當佢出新野嘅時候，我都會去試，亦都想順道同大家分享吓。1️⃣煙燻麥炸雞呢個煙燻炸雞秉持住麥炸雞一貫嘅水準，皮脆肉嫩，肉汁飽滿。炸雞質素比起同行對手，高下立見。今次呢個限定滋味，唯一唔同嘅地方，就係佢嘅外層味道不同。先此聲明，我個人已經好食得鹹、好食得辣；呢一件炸雞對於我來講係好鹹、超級鹹。雖然佢冇話呢件炸雞係辣嘅，但都辣到令我流鼻水。我味道方面，我認為此炸雞適合一啲喜歡重口味嘅人。怕鹹、怕辣就千祈唔好試😂 我好似講得好誇張咁，但其實食食吓又覺得OK，只不過要有心理準備口味可能會重咗啲。2️⃣增量裝脆薯格呢個係我其中一樣最鍾意嘅麥當勞食品之一，因為佢真係好脆口、好好味。可惜佢唔係經常有，所以每當推出之時，我一定會去食。3️⃣椰果蜂蜜雪梨茶呢個飲品係加$8套餐嘅重點。不過比起之前嘅大大啖特飲，今期我就覺得冇乜特別。純粹都係雀巢蜂蜜雪梨茶再加椰果粒，冇任何特色，有少少失望。4️⃣跟餐再送一罐迷你可口可樂，幾趣緻我亦都想借此機會，讚揚紅磡站分店麥當勞嘅服
寫呢篇食評之前我都糾結咗一陣，一方面麥當勞作為全球連鎖快餐店，本身已經擁有相當高嘅知名度同埋標準化餐飲體驗，我冇需要特登寫食評去講；而我作為麥當勞嘅小粉絲，每當佢出新野嘅時候，我都會去試，亦都想順道同大家分享吓。
1️⃣煙燻麥炸雞
呢個煙燻炸雞秉持住麥炸雞一貫嘅水準，皮脆肉嫩，肉汁飽滿。炸雞質素比起同行對手，高下立見。今次呢個限定滋味，唯一唔同嘅地方，就係佢嘅外層味道不同。先此聲明，我個人已經好食得鹹、好食得辣；呢一件炸雞對於我來講係好鹹、超級鹹。雖然佢冇話呢件炸雞係辣嘅，但都辣到令我流鼻水。我味道方面，我認為此炸雞適合一啲喜歡重口味嘅人。怕鹹、怕辣就千祈唔好試😂 我好似講得好誇張咁，但其實食食吓又覺得OK，只不過要有心理準備口味可能會重咗啲。
2️⃣增量裝脆薯格
呢個係我其中一樣最鍾意嘅麥當勞食品之一，因為佢真係好脆口、好好味。可惜佢唔係經常有，所以每當推出之時，我一定會去食。
3️⃣椰果蜂蜜雪梨茶
呢個飲品係加$8套餐嘅重點。不過比起之前嘅大大啖特飲，今期我就覺得冇乜特別。純粹都係雀巢蜂蜜雪梨茶再加椰果粒，冇任何特色，有少少失望。
4️⃣跟餐再送一罐迷你可口可樂，幾趣緻
我亦都想借此機會，讚揚紅磡站分店麥當勞嘅服務質素。我覺得呢間分店嘅出品質素幾穩定，食得出係新鮮製作。反觀其他分店嘅出品、服務未必支持令我滿意。我經常光臨紅磡站分店，基本上每一次都能夠為我創造滿意嘅用餐體驗，所以我對紅磡站分店管理者同埋員工嘅工作予以肯定👍🏼
大大啖煙燻麥炸雞套餐$48
Written by Andrew
Post
