Shine (Closed)

Weekend同好友嚟到位於尖沙咀嘅樓上西餐廳 - SHINE 聚一聚。餐廳除咗一般方枱，仲設有吧枱 & 窗邊卡位。地燈仲會變色添，夠曬浪漫呀。餐牌唔花巧，但選擇都唔少㗎。對於我呢啲以貌點菜嘅人，餐牌如果附多啲圖就更好啦。 主菜我哋點咗招牌豬肋骨，有驚喜！烤豬肋骨配蜜糖薑汁醬油 $288呢道烤豬肋骨一上枱，份量之大，令大家都"嘩！"一聲。食落果然無令大家失望肉質夠曬腍身，用刀輕輕一切就散開，仲連軟骨都可以食埋。整體肉&脂肪嘅比例非常好，不乾不膩，成為今餐最受歡迎嘅一道菜。燒M4和牛薄切 $168牛片雖然話係薄切， 但呢個切法變成一少塊一少塊，有點太零碎。牛塊嘅脂肪不多，要花點牙力， 還好肉味都幾濃。以火箭菜、黑醋汁 & 芝士片配牛塊，呢個配搭都幾夾。海鮮墨汁意大利飯 $188海鮮份量又多又足料，有大蝦、青口、魷魚，仲有大大隻原隻帶子。帶子外層煎至金黃，中心呈半熟狀態，口感一流。意大利飯粒粒分明軟硬適中，醬汁濃稠度恰亦到好處，包裹著每一粒飯，讚呀😍。