茶A (Closed)

今日又再訪茶A，見餐廳好似update左，同之前有少少唔同! 今次食蔥油系列，叫左XO醬蔥油香茅豬扒煎蛋飯。份量好多! XO醬蔥油咁樣撈飯好正! 勁香，好邪惡呀! 香茅豬扒有2大塊，香茅味濃郁，會令你好想配飯食! 加埋蔥油係面，正! 因為本人唔食生蛋黃，叫左熟蛋，但相信食太陽蛋既人，再撈蛋汁食飯，會勁juicy! 另外叫左西多士，呢到既西多真係令我念念不忘! 佢唔會太焦，仲有鍊奶，多士做到外脆內軟! 有時下午茶時段經過，都會特登入黎食個西多架!