田中日本料理

Open Now

Now Closed

好多年前慕名而去嘅田中壽司， 經歷完疫情仲開緊， 黎到元朗就揀佢啦～ 星期六晚上要排隊，俾左張4人枱我地都唔需要搭枱。壽司都係2件起， 嚿舊飯超大嚿，尚厭壽司飯落太多醋， 比較酸， 壽司豉油亦同出面唔同， 比較深色似老抽。♡三文魚 $32特長16cm, 長到包住嚿飯食， 三文魚好味♡劍魚腩 $35壽司好大嚿， 但劍魚腩咬唔開，無乜味道。♡火炙三文魚腩 $36有對比覺得魚生好食好多， 火炙上黎已經凍左， 有點heavy~♡海膽 $58份量足夠， 抵食， 但少少苦， 應該唔夠新鮮。♡鰻魚 $45肥亦無骨， 但燒得唔夠香♡清酒煮蜆 $58食太多壽司飯， 揀個一品料理中和下。 但個湯係壽喜燒， 好甜無乜酒味， 蜆肉乾淨無沙。