Video
Read full review
2023-06-24
273 views
-🇯🇵壽司郎黎左香港咁耐，一直都非常受歡迎，好多分店都長期大排長龍🙆🏻♀️，拎完飛都可能要等幾個鐘先可以入座。壽司郎嘅常規壽司有幾好食，相信好多人都知。 不過佢地唔同時間都會做緊唔同嘅主題，今次主題就係“大大大祭”！簡單黎講即係大件增量版壽司食😋留意下面打左*嘅就係期間限定美食！ *🍣大切三文魚腹配三文魚子 $17大大件肥美三文魚腩配鮮味三文魚子，必試👍🏻 *🐚特盛海螺 $17限定款式，好多片海螺，口感非常爽口👍🏻 *🦐特大赤蝦 $12好大舊蝦，蝦好新鮮，非常滿足👍🏻以前有蝦三鮮(赤蝦、熟蝦、甜蝦)，依加轉餐牌冇左，轉左貝三鮮。雖然🐷都好鍾意貝三鮮，但都期待佢有返蝦三鮮，因為發現好多🐷隊友都鍾意食。 *🍣大赤貝 $17都新鮮好食，但相比其他限定大產品，份量冇大得咁明顯。 *🐟炙燒番屋漬鯡魚 $37鹽燒香味，魚肉口感嫩滑，但非常多細骨，要好小心食⚠️ *🍙特盛小柱天婦羅軍艦 $17比較特別，好少會有炸小柱(扇貝柱)食，外脆內軟，鍾意食炸野又唔想食太多嘅人必試。 *🐟特盛長鰭吞拿魚 $22份量好多，唔算太有油香，超飽肚。 *🦑魷魚筒飯配魷魚鬚天婦羅 $48係魷魚筒入面放左飯，同醬料味道好夾，
🇯🇵壽司郎黎左香港咁耐，一直都非常受歡迎，好多分店都長期大排長龍🙆🏻♀️，拎完飛都可能要等幾個鐘先可以入座。壽司郎嘅常規壽司有幾好食，相信好多人都知。
不過佢地唔同時間都會做緊唔同嘅主題，今次主題就係“大大大祭”！簡單黎講即係大件增量版壽司食😋留意下面打左*嘅就係期間限定美食！
*🍣大切三文魚腹配三文魚子 $17
大大件肥美三文魚腩配鮮味三文魚子，必試👍🏻
*🐚特盛海螺 $17
限定款式，好多片海螺，口感非常爽口👍🏻
*🦐特大赤蝦 $12
好大舊蝦，蝦好新鮮，非常滿足👍🏻
以前有蝦三鮮(赤蝦、熟蝦、甜蝦)，依加轉餐牌冇左，轉左貝三鮮。雖然🐷都好鍾意貝三鮮，但都期待佢有返蝦三鮮，因為發現好多🐷隊友都鍾意食。
*🍣大赤貝 $17
都新鮮好食，但相比其他限定大產品，份量冇大得咁明顯。
*🐟炙燒番屋漬鯡魚 $37
鹽燒香味，魚肉口感嫩滑，但非常多細骨，要好小心食⚠️
*🍙特盛小柱天婦羅軍艦 $17
比較特別，好少會有炸小柱(扇貝柱)食，外脆內軟，鍾意食炸野又唔想食太多嘅人必試。
*🐟特盛長鰭吞拿魚 $22
份量好多，唔算太有油香，超飽肚。
*🦑魷魚筒飯配魷魚鬚天婦羅 $48
係魷魚筒入面放左飯，同醬料味道好夾，最特別係魷魚筒係凍，天婦羅係熱嘅。
*🐟大切鰹魚 $17
魚同薑葱味夾，但一般般味道偏鹹，食完會想飲返啖茶🍵
*🦐特盛甜蝦 $17
普通甜蝦嘅味道，算新鮮，主要係量多，2件壽司有8隻。
*🦑大切真烏賊 $12
厚切烏賊，味道唔太濃勝在有口感。
🍣特選大吞拿魚腩 $27
雖然表面睇落偏紅，但都肥美富有油香，美中不足係比較多筋。
🥚茶碗蒸 $19
蛋熟嘅程度岩岩好，所以口感嫩滑，濃濃高湯同蛋香味，入面有冬菇、帆立貝、豬肉🐖、青豆🫛
*🍮1.5倍白朱古力味卡達拉娜 $22
原本以為係白朱古力味會好甜，最後試完覺得白朱古力味唔算太出，加上上面一層香脆焦糖，相比甜味，焦香味更明顯，推薦👍🏻
*🍎蘋果味雪芭 $12
非常清甜嘅蘋果味，冰爽清甜，消暑佳品，絕對唔係糖漿果種單調甜味，非常推薦👍🏻
🥣海苔麵豉湯 $17
紫菜多，份量亦多，麵豉湯偏濃味，飲完之後有啲口渴😂
想去食嘅朋友記得留意用餐時間，如果冇客人排隊就無限時，如果有只有60分鐘用餐時間⏱️
🥳壽司郎依加做緊大抽獎，6月30日就截止，詳情請留意 @sushiro.hk
Post
