Mango X'press (Closed)

食咗個唔太滿意的晚餐之後，行街行咗去厚福街，見到呢間甜品舖，D相好吸引。 諗都唔使諗就即刻買個鎮店之選-芒果綿綿冰試下。當服務員叫我攞綿綿冰嘅時候，簡直俾佢嚇咗一跳。因為真係好大杯，冇諗過有咁大杯take away 嘅綿綿冰。 頂層有又香又滑嘅芒果雪糕，下面係好香的芒果綿綿冰，再加上濃郁的芒果汁，同埋好甜的芒果肉，椰果和水晶珠都好爽口。食完呢個綿綿冰，頓時覺得滿足晒。 其實佢仲有其他飲品同甜品，下次一定要留肚試多啲款式。