喜點.鮮鍋粥底火鍋點心專門店 (Closed)

長沙灣-喜點.鮮鍋粥底火鍋點心專門店：粥底A餐（hk$258/位) 不用加一！（星期五六日/公眾假期前夕+$10）天氣開始凍，又係食粥底火鍋既時候啦😍今次揀左長沙灣一間唔多起眼，似做附近街坊生意既餐廳試下，因為價錢幾吸引👀埋單價$258已經係貴d既餐，海鮮一大盤，有龍蝦、鮑魚、貴妃蚌、多寶魚、紐西蘭聖子皇（我去果日無呢樣，變左元貝）、黃金蜆、海蝦！仲包左一碟美國極上牛小排，仲可以揀8款邊爐料....! 份量真係好足。飲品有豆漿同竹庶茅根，一jar jar 上，任飲😱。-海鮮都幾新鮮，鮑魚元貝貴妃蚌都好大隻，黃金蜆量多且鮮甜，加埋成盤海鮮個湯底一定會好甜😍。配料墨魚滑都唔錯。成餐唯一唔合格既係栗米，又乾又唔甜😂食到最尾，叔叔幫我地加埋芋頭、南瓜、粥落個湯度，雖然好飽但係都食左碗精華所在🤣所以最後係超級飽😂-PS 特別欣賞佢地有張煮海鮮時間指引，好有用！