貴緣小鍋米線 (和富)

Open Now

Now Closed

好食嘅米線唔一定要去到荃灣，呢間位於北角，大角咀都有分店，主打平靚正嘅米線，喺米線關注組大受好評，自行選擇湯底、辣度、主食、配料，仲有小食同飲品供應。最近新出酒煮醉香鮮雞豬軟骨湯，雞件嫩滑多汁，帶淡淡酒香氣，米線Q彈，入口滑順，另搭配滷水雞翼、墨魚丸、菜心同蘿蔔。蘿蔔超大塊，完全無渣，吸滿湯汁，健康又飽肚。不過食完走埋先記得漏咗俾豬軟骨... 唯有下次再試。另有特濃新鮮蕃茄湯走粉轉芽菜底，芽菜份量仲多過米線，好誇張、冬菇皇有三大塊，菇味突出，令人一試難忘、雞肉絲有成碗咁多，唔嚡口，健身人士必點，整體性價比高，會回訪。