Video
Read full review
2021-11-02
129 views
雖然去過泰國幾次，但從來未試過係當地食船麵🥺宜家都唔知幾時可以去到🇹🇭，咁唯有近近地係尖沙嘴食👅~~~首先我對佢上菜嘅速度極為驚嘆🙀由落單去見到碗麵只需要2-3分鐘啱曬肚餓又趕時間嘅人🤣而且入座時餐具會擺係一杯熱水入面♨️疫情期間食嘢都安心啲😝~~~🍜和牛船皇湯麵($58+1)🪄7.2/10配料份量適中，女仔食都算夠嘅👧🏻湯底ok濃，我揀嘅金邊粉都掛湯😗湯底可以揀辣度，但我唔食得辣所以冇揀但後尾諗諗下，其實有少少辣吊味應該更好食🥲加一蚊可以將牛腩同牛肉片轉做和牛💁🏻♀️本身以為佢呢個價錢，和牛唔會靚得去邊但估唔到食落幾香牛味又夠嫩滑，有兩大片食落都夠☺️☺️如果係和牛lover可以加$5轉淨和牛片🐂不過我貪心想試多啲餸🤣所以就冇加除左和牛，其他餸味道都唔錯👍🏻炸豬皮脆卜卜好香口，雞翼入味夠腍，雞肉絲同丸就正常.🙌🏻需要改善想講下佢嘅豬肉：本身係我認知豬肉應該有”肉”，但我個碗嘅全部都係膏，一啖肉都冇😑唔知係本身就係咁，定係咁啱我個碗先係咁…另外我一路食一路望住個餐牌上面寫嘅餸🧐覺得奇怪點解上面寫有豬潤，但係我一直食唔到嘅🤔本身以為係廚房煮個陣落漏左，點知埋單走個陣先見到店內個牌寫住豬潤賣曬…
宜家都唔知幾時可以去到🇹🇭，咁唯有近近地係尖沙嘴食👅
~~~
首先我對佢上菜嘅速度極為驚嘆🙀
由落單去見到碗麵只需要2-3分鐘
啱曬肚餓又趕時間嘅人🤣
而且入座時餐具會擺係一杯熱水入面♨️
疫情期間食嘢都安心啲😝
~~~
🍜和牛船皇湯麵($58+1)🪄7.2/10
配料份量適中，女仔食都算夠嘅👧🏻
湯底ok濃，我揀嘅金邊粉都掛湯😗
湯底可以揀辣度，但我唔食得辣所以冇揀
但後尾諗諗下，其實有少少辣吊味應該更好食🥲
加一蚊可以將牛腩同牛肉片轉做和牛💁🏻♀️
本身以為佢呢個價錢，和牛唔會靚得去邊
但估唔到食落幾香牛味又夠嫩滑，有兩大片食落都夠☺️☺️
如果係和牛lover可以加$5轉淨和牛片🐂
不過我貪心想試多啲餸🤣所以就冇加
除左和牛，其他餸味道都唔錯👍🏻
炸豬皮脆卜卜好香口，雞翼入味夠腍，雞肉絲同丸就正常
.
🙌🏻需要改善
想講下佢嘅豬肉：本身係我認知豬肉應該有”肉”，但我個碗嘅全部都係膏，一啖肉都冇😑
唔知係本身就係咁，定係咁啱我個碗先係咁…
另外我一路食一路望住個餐牌上面寫嘅餸🧐
覺得奇怪點解上面寫有豬潤，但係我一直食唔到嘅🤔
本身以為係廚房煮個陣落漏左，點知埋單走個陣先見到店內個牌寫住豬潤賣曬…
如果店員落單時講一講感覺會好啲🤧因為未必會望到塊牌
~~~
⭐️回頭指數🌕🌕🌕🌖🌑
整體黎講幾抵食，質素都唔錯👍🏻
呢間舖都幾啱一個人黎食～
因為佢有啲位對牆又有塊板隔住，有啲似一蘭setting，所以一個人食都唔會尷尬🤓
Post
