十二味貴陽牛肉粉 (Closed)

今日去開銅鑼灣，終於有機會同男朋友試到呢間牛肉粉！聽朋友講啲牛肉粉大大碗之餘，仲內藏秘密，我問朋友係咩，佢地叫我自己去試下，但包保我會中意 小店的確唔大，所以位都唔多，當日都要等成4個字左右先至有位。一入到去，先要落Order、比錢，先再會安排你入座。我地要左涼伴木耳做前菜，木耳脆爽，而且酸酸辣辣，的確可以令人開胃 至於牛肉粉，我地分別要左一碗清炖牛肉粉同一碗紅燒牛肉粉。聽店員介紹，兩者湯底係一樣嘅，分別係在於牛肉嘅煮法。清炖牛肉就用清湯清炖嘅方法整，而紅燒牛肉就用鹵水黎炆！其實兩者分別唔算太大，不過牛味濃郁，肉質非常腍身 湯底加左唔少花椒、八角，味道有少少辣，帶有輕輕嘅麻感 而且仲有蒜蓉、薑蓉、酸菜做配料，令到味道有更多層次！湯底麻得幾過癮，對中意食麻辣嘅我，我真係好中意個味道 但略嫌湯底比較油膩，容易口渴 兩碗牛肉粉我地都加左豆乾同鹵水蛋。我地仲分別加左牛肚、牛筋share黎食。牛肚爽口，牛筋就軟糯 豆乾就大大塊，但口感比較實。不過湯汁可以完全滲入豆乾，令到啖啖都有滷汁味道，但對我黎講就咸左少少喇！而鹵水蛋都係比較硬身，但味道就岩岩好，每食一啖送一啖麻辣湯，