餃掂手工餃子雲吞專門店

今晚嚟到西環呢間餃子店-餃掂, 呢度嘅至尊松茸豬肉餃(大碗$120)最吸引我，猪肉餡料唔會太肥，咬開充滿松茸獨特香氣，令人一試愛上，每次都食到停唔到口。 餃子跟嘅狀元九鼎湯，有健脾去濕作用，湯頭味道自然，很清甜。今日仲試左元貝餃(中碗$50)餃子每粒都好飽滿，餃子皮柔軟得嚟有口感，咬開元貝鮮味出眾，肉味香濃。重慶鮮肉餛飩($42)雲吞皮好軟滑，重慶酸辣湯辣得過引。唐芹拌豆筋($32)，唐芹爽甜，豆筋味道簡樸，拌上麻辣醬料惹味非常。