極滋味食階

Open Now

Now Closed

[🚗本土車仔麵🍜] 極滋味食階———————————————————————位於土瓜灣嘅車仔麵檔，每逢Lunch Time都有唔少人排隊，今次因為趕時間🕜先揀佢。叫得車仔麵，當然要又快又多選擇啦！呢到除咗有60多款餸料揀😱，更可以選擇沙嗲、腩汁等湯底，配搭千變萬化🍜，可以話食極都唔怕厭。———————————————————————四餸車仔麵 連 飲品 ($40).揀咗黑椒雞扒、牛根腩、白菜仔同紫菜，配米線。不論配料定係米線嘅份量都係非常非常之多，而佢本身用嘅碗都係大Size嘅，感覺好足料同老實。.黑椒雞扒🐔有一大塊，醃得夠味。牛根腩🐂好入味，接近入口即溶，腩汁令成個湯變得好飲。白菜仔🥬淥得啱啱好，新鮮清甜。紫菜👾成餅咁比你，份量極多，成個湯變咗紫菜牛腩湯勁正，每啖米線都癡住好多紫菜，口感同味道都好正。.另外睇過網上其他食評，話叫菜類同扒類嘅餸會比得好多，而丸類或餃類因為一粒粒容易數住，就比得冇咁多。所以我首推鐘意食紫菜一定要叫，因為真係成大餅咁比你。