貴緣小鍋米線 (崇潔街) (Closed)

車仔麵係好多香港人既摯愛，可以揀好多款餸之餘，價錢亦都唔算太貴，呢間位於土瓜灣嘅貴緣小鍋米線幾抵食👍🏻嚟到一定要試吓佢哋嘅秘製麻辣湯，真係冇得輸🙌🏻-豬骨鮮濃湯（豬軟骨、秘製腩肉、炸響鈴、鹵水大腸、魚皮餃、雞肉絲） 所有餸都好足料，啲肉唔會剩係得一兩舊😋最值得推介嘅係佢哋嘅豬軟骨，咬落好林，好入味🥰雞肉絲都有好大堆，見到都滿足🥹-秘製麻辣湯（魚腐、生菜🥬、豆腐卜、肥牛） 個麻辣湯好香，一擺上枱已經聞到好重麻辣味🤤🤤佢哋嘅魚腐同出面嘅唔同，大大粒，脹卜卜😍-蒜泥白肉肉 佢哋嘅蒜泥白肉食落會有少少軟骨嘅感覺，幾有口感，將白肉夾埋蒜泥一齊食，真係好惹味😙飲品除咗汽水之外，佢哋仲有豆漿、綠茶同檸檬茶，都幾多選擇👍🏻