牛蓋 (Moved) New Location

牛蓋飯總係有種魔力，淨係見到一片片牛肉已經流哂口水，立刻影完相就要食！坊間嘅牛蓋飯唔算平，難得屯門哩間小店價錢合理，絕對要嚟試吓。店舖好細，大概十幾個位，座位較逼，晚飯時間嚟都要等一陣。哩到係自助形式，落單，拎餐具同食物都係自己嚟。牛係目標，所以叫左牛扒蓋飯同極上牛蓋飯，仲要埋220g添！牛扒蓋飯係入門版，價格完全可以接受。大碗份量足，大食嘅一定會飽。牛肉一片片好薄，配上燒汁味道係不錯嘅！不過，略嫌有d韌。飯就較為失望，唔係用珍珠米，但價格平，唔可以要求太多。而米飯整得過濕，欠缺口感。極上蓋飯嘅牛脂肪較多，一入口，雖然未及和牛咁入口即溶，但肉質好嫩滑，而且滿囗充分牛肉油脂，質素比牛扒蓋飯更高一級。加上一隻滑蛋，令蓋飯昇華。蛋汁滑滑地，配牛肉同飯都好夾。相反，牛扒蓋飯就較為單調。如果特登嚟食，會推介細碗嘅極上牛蓋飯，價錢合理，牛肉高質。