海皇粥店 (英皇道) (Closed)

今晚又要自己一個食晚餐, 見到某某日報個apps有優惠卷, $8 一碗碎牛粥.本身諗住應該細細碗, 等碗粥到左可能再加油器或者炒米的嘢食.點知碗粥同平時食的一樣大細. 大大碗, 以一個女仔的份量, 一定夠, 粥上面仲有少少花生同油炸鬼. 掂!碎牛都唔少, 粥熱騰騰, 好味~值得一讚係落單的姐姐絕對唔會因為我叫$8的碎牛粥而比面色我睇, 反而仲好好笑容. 但提一提，如果真係用此優惠，記得留意個日期，同埋落單前一定要通知姐姐一聲。