加記 (真善美大廈) (Closed)

朋友推介，說這裡又大碟又平又好食，自已當然要來一試，一約再約下，最後只找到六個人一起來試，太少人有點可惜；地點唔算方便，但想不到都幾多人客。因人少，最後只選擇了米酒雞、煎焗魚咀、碧綠帶子粒賽螃蟹、田園咕嚕肉、嚮螺雞炖翅和上湯莧菜。米酒雞- 份量非常大，酒味很濃，飯很油膩，雞明顯係雪藏雞，飯底比較上黏口，味道都幾好，但很飽肚。煎焗魚咀- 味道太鹹，骨多肉少，唔多吸引。碧綠帶子粒賽螃蟹- 炒得剛剛好，很滑口唔會太熟，味道又香，非常出色，帶子細細粒，但都算好味。田園咕嚕肉- 酸甜味偏酸，但唔算過份，咕嚕肉炸得好脆，但有點過硬。嚮螺雞炖翅- 大大鍋，翅的份量都唔少，味道香甜又好味，價錢唔算貴，六個人每人都可以飲兩大碗，非常抵飲。上湯莧菜- 食了這麼多油的飯，食返一點清淡的菜都幾好，菜很新鮮，上湯味道幾好。送的糖水係椰汁西米露，味道唔會太甜，但味道一般；本想再到附近再食糖水，但朋友都說很飽，最後都沒有去。價錢平，部份食物都幾出色，值得一試；還有幾樣小菜想試，看看幾時有空，再找多幾個朋友再去試試先。