食代館 (MOKO新世紀廣場) (Closed)

同朋友行旺角行到好攰，唯有喺旺角東站附近嘅MOKO入面食 dinner，食完再搭車返屋企🤣，唔講都唔知原來呢度有間食代館，見有間賣意粉幾平，就叫左黎食🤗～黑椒牛肉洋葱炒意粉朋友叫嘅呢個意粉黎先，我地一見到個份量都嚇左一跳，成個山咁多，好誇張😂！牛肉份量都唔少，我試左一啖，黑椒味適中，唔錯～👍吉列豬扒煙肉配蒜香意粉份量同樣好多，吉列豬扒好脆口😚，塊煙肉都好似炸過黎咁，略嫌有 d硬😅，配埋吉列豬扒一齊食，有少少油膩，不過味道都好食嘅😉～意粉軟硬適中，蒜香味濃，但可惜炒到較為乾身😂不過總括黎講，40幾50蚊嘅意粉比嘅份量咁多，其實已經好抵食😚！性價比都算高～