日和号壽司料理 (Closed)

日和號基本上我成日都食，lunch時段嘅lunch menu實在係平，質素喺Mega box黎講算係唔錯。平時lunch time食飯好少寫食評，但今日食完呢個飯就要貼堂啦。今次係約左附近返工嘅朋友食lunch，12點半去到已經差唔多滿座。坐低點左一個石鍋溫泉玉子牛肉帶子飯，跟餐有沙律同麵豉湯，仲包埋飲品。值得一提日和號嘅所有飲品都係用double wall嘅杯黎裝，又保溫，又唔會辣手或整濕 張枱，通常我都會叫熱柚子茶。個飯一黎到，我嘩左出聲，因為好足料，有成4粒帶子，仲有溫泉蛋，賣相吸引又好食。同場加映我平時食開嘅野菜燒雞扒丼。呢個好抵食，又夠份量，差唔多每一次都食佢。